Սարուխանի «Պալի տակ» դամբարանադաշտից պեղված (մ.թ.ա. II-I հազարամյակներ) կախիկը

1069

Երեքշաբթի, 12 հոկտեմբերի, 2021 թ., 03:06

ՀՀ ԿԳՄՍ նախարարություն Պահպանության Ծառայություն ՊՈԱԿ-ը հայտնում է. «Պահպանության ծառայություն» ՊՈԱԿ-ի Հնագիտության Ֆոնդից ներկայացնում ենք «Սարուխանի «Պալի տակ» դամբարանադաշտից պեղված (մ.թ.ա. II-I հազարամյակներ)» կախիկը՝ պարսիցծոցյան ծովախեցուց, եզրերին մշակման հետքերով, մակերեսին արված բազմաթիվ փոսիկներով և կենտրոնական անցքով:

Ուշբրոնզեդարյան, մ.թ.ա. XIII-XII դդ.: Ծովախեցի, տրամագիծը՝ 2,5 սմ: Դամբարան թիվ 10:

Կնիք, գլանաձև, սնամեջ, իրանի վերին և ստորին ծայրերում հորիզոնական զույգ խորադիր ակոսներից կազմված զարդագոտու միջնատարածքում՝ կենաց ծառ հիշեցնող խորադիր շեղագծերի զարդանախշ: ՈՒշբրոնզեդարյան, մ.թ.ա. XIII-XII դդ.: Կավ, ջնարակ, երկարությունը՝ 3,2 սմ: Դամբարան թիվ 10: Պեղումների ղեկավար՝ Ա. Փիլիպոսյան»:

Աղբյուրը` ԿԳՄՍՆ Պահպանության ծառայություն ՊՈԱԿ