Չորեքշաբթի, 10 դեկտեմբերի, 2025 թ.
|
Ստեփանակերտում`   +5 °C

Իրականում քանի՞ մարդ է մահացել կորոնավիրուսից. «Ժողովուրդ»

Իրականում քանի՞ մարդ է մահացել կորոնավիրուսից. «Ժողովուրդ»
1136
Ուրբաթ, 24 դեկտեմբերի, 2021 թ., 09:18

«Ժողովուրդ» օրաթերթը գրում է. «Առողջապահության նախարարությունը դեռևս չի ամփոփել, թե կորոնավիրուսից իրականում քանի մարդ է մահացել։ Այս մասին ասաց նախարարի մամուլի քարտուղար Հռիփսիմե Խաչատրյանը։

«Նոր տարուց հետո նոր կներկայացնենք, այս պահին դեռ ամփոփում ենք»,- ասաց նա։ Նշենք, որ մահվան թվերի վիճակագրության հետ կապված եզրակացության մասով վարչապետ Նիկոլ Փաշինյանը դեռևս դեկտեմբերի 2-ին էր հանձնարարություն տվել նախարարին, իսկ հարցը դեռ ամիսներ առաջ Ազգային ժողովի ամբիոնից Մարդու իրավունքների պաշտպանության ու հանրային հարցերի մշտական հանձնաժողովի նախագահ Թագուհի Թովմասյանն էր բարձրաձայնել:

Հիշեցնենք, որ ծառայողական քննության ավարտից հետո, վարչապետի հանձնարարությամբ, հարցը նաև Գլխավոր դատախազությունում կքննվի: Թե ինչով է զբաղված Ավանեսյանի մատնանշած աշխատանքային խումբը, թերևս միայն իրենք կիմանան։ Հստակ է, որ դրա կատարած աշխատանքի արդյունքն արդեն ամիսներ շարունակ որևէ մեկի տեսանելի չէ»:
Մանրամասները՝ թերթի համարում:

Կարդացե՛ք նաև