Ռոբերտ Ղուկասյանը նշանակվեց Սյունիքի մարզպետ

Այսօր՝ Կառավարության նիստում, որոշվեց Ռոբերտ Ղուկասյանին նշանակել Սյունիքի մարզպետ։

«Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» օրենքի 6-րդ հոդվածի 1-ին մասով՝ Հայաստանի Հանրապետության կառավարությունը որոշում է.

1. Ռոբերտ Ղուկասյանին նշանակել Հայաստանի Հանրապետության Սյունիքի մարզպետ»,- նշված է որոշման մեջ։

Հիշեցնենք, որ Կառավարության այսօրվա նիստում Սյունիքի մարզպետ Մելիքսեթ Պողոսյանն ազատվեց զբաղեցրած պաշտոնից։