Հայաստան-Ուկրաինա ֆուտբոլային հանդիպումը հետաձգվել է

1875

Ուրբաթ, 04 մարտի, 2022 թ., 13:36

Հայաստանի ֆուտբոլի ֆեդերացիային տեղեկացնում է, որ Հայաստան Մ-21 - Ուկրաինա Մ-21 հանդիպումը հետաձգվել է:
«Մարտի 24-ին՝ Արմավիրում, պետք է կայանար ՈՒԵՖԱ Եվրոպայի մինչև 21 տարեկանների առաջնության որակավորման փուլի H խմբի յոթերորդ մրցափուլի Հայաստան Մ-21 - Ուկրաինա Մ-21 հանդիպումը:
Ուկրաինայում տիրող իրավիճակից ելնելով՝ ՈՒԵՖԱ-ն որոշում է կայացրել հետաձգել հանդիպումն անորոշ ժամկետով։ Հանդիպման անցկացման նոր ամսաթվի վերաբերյալ կլինի հավելյալ տեղեկատվություն:
Տեղեկացնենք, որ ՈՒԵՖԱ Եվրոպայի մինչև 21 տարեկանների առաջնության որակավորման փուլի H խմբի ութերորդ մրցափուլի Սերբիա Մ-21 - Հայաստան Մ-21 հանդիպումը կկայանա մարտի 29-ին՝ սերբական Բաչկա Տոպոլա քաղաքում»,- նշված է ՀՖՖ հաղորդագրության մեջ:

Աղբյուրը` Հայաստանի ֆուտբոլի ֆեդերացիա