Ուկրաինական դատարանը հեռակա կալանավորել է Օլեգ Գազմանովին

Ուկրաինայի դատարանը հեռակա կարգով կալանավորել է Ռուսաստանի ժողովրդական արտիստ Օլեգ Գազմանովին, որը կասկածվում է ուկրաինական պետության տարածքային ամբողջականության դեմ ոտնձգության մեջ, շաբաթ օրը հայտարարել է Ուկրաինայի գլխավոր դատախազ Իրինա Վենեդիկտովան։

«Օլեգ Միխայլովիչ Գազմանով, ես այստեղ եմ նորություններով: Ոչ մի անձնական բան: Ամեն մեկն իր գործն ունի, ինչպես ասում են: Ես ուզում եմ պաշտոնապես տեղեկացնել ձեզ, որպես ուկրաինացի դատախազ, որ ուկրաինական դատարանը համաձայնել է ուկրաինացի դատախազների միջնորդությանը և թույլ է տվել, որ նրանք ձեզ ձերբակալեն, որ հասցնեն Ուկրաինայի տարածք՝ խափանման միջոց ընտրելու համար»,- գրել է Վենեդիկտովան։

Նա նշել է, որ ուկրաինական կողմը նախաձեռնել է Գազմանովի նկատմամբ միջազգային հետախուզում հայտարարելու ընթացակարգը:

Նախօրեին Վենեդիկտովան ֆեյսբուքյան իր էջում գրել էր, որ Ուկրաինայի դատարանը հեռակա կալանավորել է կինոռեժիսոր Նիկիտա Միխալկովին՝ երկրի «տարածքային ամբողջականության ոտնձգության» կասկածանքով։