Հինգշաբթի, 12 նոյեմբերի, 2026 թ.
|
Ստեփանակերտում`   +2 °C

2021-ին հակառակորդի զավթած տարածքներից տարհանվել է 574 աճյուն․ ԱԻՊԾ

2021-ին հակառակորդի զավթած տարածքներից տարհանվել է 574 աճյուն․ ԱԻՊԾ
307
Չորեքշաբթի, 09 մարտի, 2022 թ., 20:30

2021 թվականին Արցախի Հանրապետության արտակարգ իրավիճակների պետական ծառայության աշխատակիցները շարունակել են հակառակորդի կողմից զավթված տարածքներից զոհված և անհայտ կորած համարվող զինծառայողների և քաղաքացիական անձանց աճյունների որոնողական աշխատանքները՝ ընդհանուր առմամբ 2021 թվականի ընթացքում տարհանվել է 574 աճյուն: Այս մասին տեղեկանում ենք ԱՀ ԱԻՊԾ-ից։

Ծառայության համապատասխան ստորաբաժանումների կողմից 2021 թվականին իրականացվել են հետախուզական, ականազերծման և չպայթած զինամթերքի ոչնչացման աշխատանքներ: Իրականացված 806 ելքից ոչնչացվել է տարբեր տեսակի 20 854 միավոր զինամթերք, նախորդ տարվա 7174 միավորի դիմաց: Չպայթած ռազմամթերքից մաքրվել և ականազերծվել է 221,5 հա տարածք:

Աղբյուրը`   ԱՀ ՆԳՆ արտակարգ իրավիճակների պետական ծառայություն