Սոմալիում ահաբեկիչների կողմից գրավված հյուրանոցից ազատ է արձակվել 106 մարդ, կան զոհեր

1294

Կիրակի, 21 օգոստոսի, 2022 թ., 19:42

Սոմալիի անվտանգության ուժերը ազատ են արձակել 106 մարդու Մոգադիշոյի «Հայաթ» հյուրանոցից, որը գրավել էին զինյալները։

Այս մասին կիրակի հայտնել է Al-Arabiya հեռուստաալիքը։

Ազատագրվածների թվում կան երեխաներ և կանայք։

Միաժամանակ, գրոհայինների հարձակման հետևանքով զոհերի թիվը հասել է 21-ի, հեռուստաալիքին նման տվյալներ է տրամադրել Սոմալիի առողջապահության նախարարությունը։ Այլ աղբյուրների համաձայն՝ զոհերի թիվը կազմում է մոտ 40 մարդ։

Ուրբաթ երեկոյան հյուրանոց են ներխուժել «Ալ-Քաիդա» ահաբեկչական կազմակերպությանը մոտ կանգնած «Ալ-Շաբաբ» խմբավորման զինյալները։
Մինչ այդ նրանք շենքի մուտքի մոտ պայթեցրել են պայթուցիկով լցոնված երկու մեքենա։

Տեղի լրագրողները հայտնել են, որ ազատման գործողությանը մասնակցել են գրոհային անօդաչու սարքեր։

Նշվում է նաև, որ հյուրանոցի գրավման ժամանակ Սոմալիում եղել են հայտնի քաղաքական գործիչներ, ինչպես նաև երկրի խորհրդարանի անդամներ։