Շաբաթ, 16 օգոստոսի, 2025 թ.
|
Ստեփանակերտում`   +20 °C

«Շենքերը միջոց են, նպատակ չեն»․ Վահրամ Դումանյանը՝ բուհերի խոշորացման մասին

«Շենքերը միջոց են, նպատակ չեն»․ Վահրամ Դումանյանը՝ բուհերի խոշորացման մասին
301
Հինգշաբթի, 01 սեպտեմբերի, 2022 թ., 13:30

«Խոսքը գնում է մինչև 8 բուհերի մասին, դա մեր ռազմավարությունն է, որը հիմա գտնվում է ԱԺ-ում, օրենքի կարգավիճակ ձեռք բերելուց հետո մենք ձեռնամուխ ենք լինելու ծրագրերի իրականացմանը»,- Կառավարությունում լրագրողների հետ ճեպազրույցում ասաց ԿԳՄՍ նախարար Վահրամ Դումանյանը՝ անդրադառնալով Փաշինյանի հայտարարությանը, որ մտադիր են բուհերի խոշորացման գնալ, որի արդյունքում 8 պետական կոնսոլիդացված բուհ կլինի:

«Եկեք փակվել բառը չօգտագործենք, հակառակը՝ մենք բացելու կողմնակից ենք: Բացել այնպիսի նոր կառույց, որը պետք է զարգանա, հզորանա, համապատասխանի միջազգային չափանիշներին»,- ասաց նախարարը:

Դումանյանը նշեց, որ խնդիրը շենքրի մեջ չէ, այլ որակյալ կրթություն ստանալու. «Շենքերը միջոց են, նպատակ չեն»,- ասաց նա: