Երկուշաբթի, 20 ապրիլի, 2026 թ.
|
Ստեփանակերտում`   +8 °C

«50-օրյա բլոկադայի աղաղակող փաստերն այսօր ներկայացվել են աշխարհի ամենակարևոր իրավական հարթակում»․ Գայանե Աբրահամյան

«50-օրյա բլոկադայի աղաղակող փաստերն այսօր ներկայացվել են աշխարհի ամենակարևոր իրավական հարթակում»․ Գայանե Աբրահամյան
274
Երկուշաբթի, 30 հունվարի, 2023 թ., 21:06

ԱԺ նախկին պատգամավոր Գայանե Աբրահամյանի գրառումը․ «Լաչինի միջանցքի 50-օրյա բլոկադայի անմարդկային հետևանքներն ու Ադրբեջանի էթնիկ զտման քաղաքականության աղաղակող փաստերն այսօր ներկայացվել են աշխարհի ամենակարևոր իրավական հարթակում՝ ՄԱԿ-ի Արդարադատության միջազգային դատարանում, Միջազգային իրավական հարցերով Հայաստանի ներկայացուցիչ Եղիշե Կիրակոսյանի փայլուն ելույթը և հայաստանյան հայցը ներկայացնող միջազգային իրավաբանները պարզապես ջախջախեցին հանցավոր պետության բոլոր «փաստարկները»։
Այս պահին էլ ադրբեջանական կողմի ներկայացուցիչներն են չափազանց թույլ արդարացումներով հանդես գալիս։
Ադրբեջանի դեմ այս հայցը պատրաստվել է չափազանց կարճ ժամանակահատվածում և խիստ լարված ու նվիրված աշխատանքի շնորհիվ, որի արդյունքները, եթե անգամ այս փուլում չլինեն այն ինչ արդար է և մենք ակնկալում ենք, ապա երկարաժամկետ հեռանկարում իրավական դիվանագիտության համար լուրջ կռվան են դառնալու»։

Աղբյուրը`   Գայանե Աբրահամյան