Պուտինը ձգտում է ոչնչացնել ԵՄ-ն և Մոլդովան. Եվրոհանձնակատար

1296

Ուրբաթ, 10 մարտի, 2023 թ., 18:42

Ռուսաստանի նախագահ Վլադիմիր Պուտինը ձգտում է ոչնչացնել Եվրոմիությունն ու Մոլդովան։ Այս մասին հայտարարել է ներքին գործերի եվրոհանձնակատար Իլվա Յոհանսոնը, հայտնում է Detsche Welle-ն։

Նրա կարծիքով՝ Պուտինը ոչ միայն ցանկանում է ոչնչացնել Ուկրաինան, ուկրաինացիներին և ուկրաինական մշակույթը, նա նաև ցանկանում է «քանդել, ապակայունացնել, մասնատել ԵՄ-ն և, իհարկե, Մոլդովան»։

«Մենք թույլ չենք տա Պուտինին հաղթել, այդ իսկ պատճառով մենք պայքարում ենք Ուկրաինայի աջակցության համար և ամուր կանգնած ենք Պուտինի դեմ։ ԵՄ-ի համար կարևոր է համագործակցել Մոլդովայի հետ անվտանգության ոլորտում»,- ասել է Յոհանսոնը։

Եվրոհանձնակատարն ընդգծել է, որ Մոլդովան առանցքային դեր է խաղում Եվրոպայի ներքին անվտանգության ապահովման գործում։