ԵԽԽՎ համազեկուցողները Բաքվին կոչ են արել թույլատրել փաստահավաք խումբ ուղարկել Արցախ
![]() 585 Չորեքշաբթի, 22 մարտի, 2023 թ., 20:12 Եվրոպայի Խորհրդի Խորհրդարանական Վեհաժողովի՝ Հայաստանի պարտավորությունների մոնիթտորինգի հարցերով համազեկուցողներ Կիմմո Կիլյունենը (Ֆինլանդիա, ԳԵՈ) և Բորիանա Օբերգը (Շվեդիա, ԵԺԿ/HD) Բաքվին կոչ են արել թույլատրել փաստահավաք անկախ խմբի այցը Լեռնային Ղարաբաղի տարածաշրջան: Այս մասին ասվում է համազեկուցողների՝ ԵԽԽՎ կայքում տեղադրված զեկույցում: Փետրվարի 17-19-ին Հայաստան կատարած այցի արդյունքների վերաբերյալ ԵԽԽՎ Մոնիթորինգի կոմիտեին ներկայացված իրենց զեկույցում համազեկուցողները նշել են, որ Լաչինի միջանցքի շարունակվող արգելափակումը շուտով կարող է հումանիտար ճգնաժամի հանգեցնել Լեռնային Ղարաբաղում: Նրանք ընդգծել են, որ Լաչինի միջանցքով երթևեկությունը խիստ դժվարացել է, ինչն անհնար է դարձնում առաջին անհրաժեշտության որոշ ապրանքների տեղափոխումը: Նրանք զեկույցում նշել են, որ իրենց այցի նպատակն էր գնահատել իրավիճակը Ադրբեջանի հետ սահմանին և Լաչինի միջանցքի մուտքի մոտ։ Իրենց այցի ընթացքում համազեկուցողներն այցելել են Ջերմուկ, Գորիս և Վարդենիս քաղաքներ, նրանց շրջակայքը, հանդիպել տեղի իշխանությունների և Լաչինի միջանցքի շարունակական արգելափակման պատճառով Գորիսում մնացած Լեռնային Ղարաբաղի բնակիչների հետ: Համազեկուցողները, հղում անելով 2020 թվականի նոյեմբերի 9-ի եռակողմ հայտարարությանը, Ադրբեջանին կոչ են արել թույլ տալ իրենց անկախ գնահատական տալ իրավիճակին։ «Մենք կոչ ենք անում Ադրբեջանի իշխանություններին թույլատրել փաստահավաք անկախ խմբի այցը և թույլ տալ անկախ լրագրողներին ազատ աշխատել ամբողջ տարածքում»,– ասվում է ԵԽԽՎ համազեկուցողների զեկույցում: |
Ադրբեջանի ՊՆ-ն հերթական ապատեղեկատվությունն է տարածել
535Երեկ, 12:39Ադրբեջանի ԶՈՒ-ն կրակել է Խնածախի ուղղությամբ
201Երեկ, 09:46«Միասին կառուցելու ենք ավելի հզոր և խաղաղ Հայաստան». Ռոբերտ Քոչարյան
98609.05.2025, 10:12«Տոներից երկուսը մսխված են, սակայն ոչինչ անվերադարձ կորսված չէ». Սերժ Սարգսյան
39909.05.2025, 09:48«Աղոթք ենք բարձրացնում աշխարհի խաղաղության, մեր հայրենիքի ու ժողովրդի անվտանգ, ապահով ու բարօր կյանքի համար». Գարեգին Բ
32309.05.2025, 09:36«ՀՀ-ի և Ադրբեջանի միջև պատերազմ չի՛ լինելու». Նիկոլ Փաշինյան
41109.05.2025, 09:30«Ադրբեջանի ԶՈՒ-ն կրակ է բացել Խնածախի ուղղությամբ». ՀՀ ՊՆ
20108.05.2025, 17:30Նիկոլ Փաշինյանը մեկնել է ՌԴ
20008.05.2025, 17:12