Կիրակի, 13 սեպտեմբերի, 2026 թ.
|
Ստեփանակերտում`   +21 °C

«Միացել եմ «Ո՛չ Արցախի էթնիկ զտմանը» շարժման պահանջագրին». Արայիկ Հարությունյան

«Միացել եմ «Ո՛չ Արցախի էթնիկ զտմանը» շարժման պահանջագրին». Արայիկ Հարությունյան
1479
Կիրակի, 30 ապրիլի, 2023 թ., 13:12

Արցախի Հանրապետության նախագահ Արայիկ Հարությունյանը ֆեյսբուքյան իր էջում գրել է. «Այսօր Ստեփանակերտում միացել եմ «Ո՛Չ Արցախի էթնիկ զտմանը» շարժման պահանջագրին, որով միջազգային հանրության տարբեր դերակատարների պահանջ է ներկայացվում ապահովել Արցախի ապաշրջափակումը, ինչպես նաև մի շարք այլ քայլերի իրականացումը՝ 2020թ. նոյեմբերի 9-ի եռակողմ հայտարարությանը, ՄԱԿ-ի Արդարադատության միջազգային դատարանի և Մարդու իրավունքների եվրոպական դատարանի վերաբերելի որոշումներին համապատասխան:
Ողջունելի է այս քաղաքացիական նախաձեռնությունը, որը մեր հավաքական կամքի ու ձայնի ներկայացման արդյունավետ ձևերից մեկն է:
Նախաձեռնությանը կարելի է միանալ ու աջակցել թե՛ Արցախի տարբեր բնակավայրերում կազմակերպված ստորագրահավաքով և թե՛ առցանց պահանջագրով»:

Աղբյուրը`   Արայիկ Հարությունյան