Պակիստանում արյունոտ բախումներ են

Պակիստանի ընդդիմադիր «Արդարության շարժում» (JMH) կուսակցության կողմնակիցներն ու ակտիվիստները երեքշաբթի բողոքի ցույցեր են սկսել երկրի խոշոր քաղաքներում՝ նախկին վարչապետ և JMJ նախագահ Իմրան Խանի ձերբակալության դեմ: Այս մասին երեքշաբթի հայտնել է կուսակցության մամուլի ծառայությունը։

Ցույցեր են տեղի ունենում Իսլամաբադում, Փեշավարում, Հարիպուրում, Աբոթաբադում, Սիալքոթում, Ֆեյսալաբադում, Ռավալփինդիում, Լահորում և երկրի այլ շրջաններում։

ԶԼՄ-ների ներկայացուցիչներին թույլ չեն տալիս լուսաբանել բողոքի ակցիաները, իսկ կուսակցության կողմնակիցներին ցրելու համար կիրառվում են ուժային մեթոդներ, այդ թվում՝ արցունքաբեր գազ։

Ցուցարարներին մինչ այժմ հաջողվել է հրկիզել «Ռադիո Պակիստան»-ի շենքը, ներխուժել բարձրաստիճան զինվորականների ու պաշտոնյաների տներ և ավերածություններ անել:

Ցուցարարները նաև հարձակումներ են գործում երկրի ռազմաբազաների ուղղությամբ: Նրանք կարողացել են ներխուժել Մյանվալի ռազմաօդային ուժերի բազա:

Երկրի իշխպանությունը սահմանափակել է համացանցը, արգելափակվել է մուտքը դեպի սոցցանցեր:

Երկրի տարբեր հատվածներում բախումներ են տեղի ունենում իշխանական ուժերի և ընդդիմության միջև, կան տուժածներ 2 կողմերից: