Ներկայացվել են Թումո Կապանի նոր շենքի դիզայնը և Սյունիքում ընդլայնման պլանները
![]() 566 Ուրբաթ, 19 մայիսի, 2023 թ., 01:06 Այսօր՝ մայիսի 18-ին, Թումո ստեղծարար տեխնոլոգիաների կենտրոնը Եվրոպայի օր 2023-ի առիթով կազմակերպված միջոցառումների շրջանակում ներկայացրեց Թումո Կապանի ապագա շենքի դիզայնը: 1932 թվականին կառուցված Կապանի երկաթուղային կայարանի պատմական շենքը կվերածվի Թումո կենտրոնի Կապանի և շրջակա համայնքների պատանիների համար: Երկաթուղային կայարանի կողքին ժամանակավորապես տեղակայվել է Թումո տուփերի կլաստեր՝ տեխնոլոգիաների և դիզայնի կրթությունը հասանելի դարձնելով տեղի համայնքին մինչև Թումո Կապանի նոր շենքի կառուցման ավարտը: Շենքի շինարարական աշխատանքների ավարտից հետո տուփերը կտեղափոխվեն Սյունիքի տարբեր գյուղեր և քաղաքներ: Կապանի երկաթուղային կայարանի վերականգնման կոնցեպտի հեղինակն է փարիզյան Normal Studio-ն, իսկ շենքի ճարտարապետաշինարարական աշխատանքներն իրականացվում են Թումոյի ճարտարապետական ստուդիայի հետ համագործակցությամբ: Շենքը կունենա ինքնուսուցման հարթակ, դասընթացի սենյակներ, ռոբոտաշինության սենյակ, ձայնագրման ստուդիա, կինոսրահ և միջոցառումների տարածք: Թումո Կապանի նախագիծն աջակցվում է Եվրոպական միության «Դիմակայուն Սյունիք Թիմ Եվրոպա նախաձեռնության» կողմից (ծրագիրը նպաստում է Սյունիքի մարզի կայուն սոցիալ-տնտեսական, ինստիտուցիոնալ և տեղական այլ առաջնահերթությունների զարգացմանը) Կապանի քաղաքապետարանին տրամադրված դրամաշնորհի, ինչպես նաև նվիրատուներ Ջուդիթ Սարյանի և Վիկտոր Զարուգյանի աջակցությամբ: «Շատ ուրախ ենք աջակցել Թումոյի այս նախաձեռնությանը Կապանում: Հատկապես կարևորում ենք պատմշակութային շենքի վերականգման գաղափարը: Վստահ ենք, որ այս նախագիծը նպաստելու է թե՛ կրթական, թե՛ համայնքային զարգացմանը»,- ասաց Հայաստանում ԵՄ դեպան Անդրեա Վիկտորինը: Սյունիքում Թումոյի ներկայությունն ամրապնդելու համար Թումո Հայաստան նախաձեռնությունը կենտրոններ կհիմնի Կապանում և Սիսիանում, ինչպես նաև տուփեր Գորիսում, Քաջարանում, Մեղրիում, Շաքիում, Շինուհայրում և Տեղում: Քաջարանի և Մեղրիի տուփերը կկցվեն Թումո Կապանին, իսկ Գորիսի, Շաքիի, Շինուհայրի և Տեղի տուփերը՝ Թումո Սիսիանին: «Անհամբեր սպասում ենք, թե երբ է Թումոյի ծրագիրը հասանելի դառնալու Հայաստանի բոլոր պատանիների համար: Այս գործում Սյունիքը մեզ համար ռազմավարական է: Ահա, թե ինչու որոշեցինք բացել Կապանի տուփը առաջին հնարավորության դեպքում: Ահա, թե ինչու նախաձեռնեցինք քաղաքի երկաթուղային կայարանի՝ որպես Թումո կենտրոնի վերակառուցումը Կապանի քաղաքապետարանի, ԵՄ-ի «Դիմակայուն Սյունիք Թիմ Եվրոպա նախաձեռնության» և մեր նվիրատուներ Ջուդիթ Սարյանի և Վիկտոր Զարուգյանի հետ համագործակցությամբ: Վերջապես, ահա, թե ինչու ենք որոշել Թումո տուփերի կլաստերը բերել Կապան և չսպասել շենքի շինարարության ավարտին: Համայնքի պատանիներին մաղթում ենք անմոռանալի փորձառություն»,- ասաց Թումոյի գործադիր տնօրեն Մարի Լու Փափազյանը: Թումո Հայաստան նախաձեռնության միջոցով պլանավորվում է կառուցել 110 տուփերի և 16 կենտրոնների ցանց, որը Թումոյի ծրագիրը հասանելի կդարձնի Հայաստանի և Արցախի յուրաքանչյուր երիտասարդի: Յուրաքանչյուր Թումո տուփ շաբաթական 320 ուսանողի ապահովում է կրթությամբ տեխնոլոգիաների և դիզայնի ոլորտներում: Ուսանողները կանցնեն ինքնուսուցման վարժանքներն իրենց տուփում և հետո կմասնակցեն դասընթացների ու աշխատարանների Կապանի կամ Սիսիսանի կենտրոններում: Երկու Թումո կենտրոնները և վեց տուփերը Սյունիքի մարզում շուտով կստեղծեն կրթական ցանց, որը հայ պատանիների համար հասանելի կդարձնի համաշխարհային շուկայում առանցքային ոլորտների որակյալ կրթությունը: Սյունիքի մարզում բոլոր կենտրոնների և տուփերի տեղակայման ավարտից հետո շաբաթական 4000-ից ավելի ուսանող կկարողանա հաճախել ժամանակակից աշխատատարածքներ, որոնք զինված կլինեն Թումոյի կրթական ծրագրով: ![]() ![]() ![]() |
««Թեսլա»-ներով պապաները եկել են Պուշկինի ծնողական միտինգին». Սյուզի Բադոյան
139Երեկ, 20:48Երկուշաբթի օրվանից թիվ 8 դպրոցում պատշաճ դասապրոցես կկազմակերպի
134Երեկ, 18:54«Եթե տնօրենին հեռացնեն, երեխաներին կհանենք այս դպրոցից»․ Պուշկինի անվան դպրոցի ծնող (տեսանյութ)
213Երեկ, 14:12Դասադուլ՝ Պուշկինի անվան դպրոցում․ ՈՒՂԻՂ ՄԻԱՑՈՒՄ (տեսանյութ)
278Երեկ, 13:36«Պուշկինի անվան դպրոցում ստորագրահավաք է՝ հանուն տնօրենի»․ Սյուզի Բադոյան (տեսանյութ)
314Երեկ, 13:06«Պուշկինի անվան դպրոցում քաոս է, տնօրենին ազատել են աշխատանքից»․ Սյուզի Բադոյան (տեսանյութ)
313Երեկ, 11:54«Նոր օրենքի պատճառով ծնողները քաոսի մեջ են, չգիտեն՝ ինչ անեն». Մարիամ Պետրոսյան
93304.05.2025, 21:48Սեպտեմբերի 1-ից բելառուսական դպրոցներում կարգելվեն բջջային հեռախոսները
109704.05.2025, 21:32