Հինգշաբթի, 21 սեպտեմբերի, 2023 թ.
|
Ստեփանակերտում`   +14 °C

Ուղեղների արտահոսք Չինաստանից. Microsoft-ն սկսել է արհեստական ​​ինտելեկտի մասնագետներին տեղափոխել Կանադա

Ուղեղների արտահոսք Չինաստանից. Microsoft-ն սկսել է արհեստական ​​ինտելեկտի մասնագետներին տեղափոխել Կանադա
13309
Երկուշաբթի, 12 հունիսի, 2023 թ., 20:24

Microsoft-ը ռազմավարական որոշում է կայացրել՝ արհեստական բանականության՝ Չինաստանի իր առաջատար մասնագետներին Կանադայի նոր լաբորատորիա տեղափոխելու մասին:
Microsoft Research Asia-ն, որը հիմնված է Պեկինում, հայտնի է որպես կարևոր հետազոտական ​​կենտրոն Չինաստանում: Չնայած դրան, ընկերությունն արդեն սկսել է վիզաներ տրամադրել իր՝ ԱԲ (արհեստական բանականության) փորձագետներին, ովքեր կարող են տեղափոխվել Վանկուվեր:

Ըստ որոշ տեղեկությունների՝ դա կարող է ազդել 20-40 աշխատակցի վրա:

Հետաքրքիր է, որ Microsoft-ն ինքը կտրականապես հերքում է «Վանկուվերի պլանի» գոյությունը։ Միևնույն ժամանակ, ներքին աղբյուրներն ակտիվորեն մատնանշում են այս քայլը´ որպես ռազմավարական պատասխան ԱՄՆ-ի և Չինաստանի միջև աճող քաղաքական լարվածությանը։

Այս քայլը կարող է նաև լինել նախազգուշական միջոց՝ լավագույն տաղանդներին պաշտպանելու տեղական տեխնոլոգիական հսկաների կողմից որսագողությունից, որոնք ԱԲ փորձագետների խիստ կարիք ունեն:

Հիշեցնենք, որ Redmond կորպորացիան հաջողությամբ գործում է Չինաստանում ավելի քան 30 տարի՝ մշակելով տեղայնացված արտադրանքներ, ինչպիսիք են Office, Windows և Bing որոնողական համակարգը:

2022 թվականի սեպտեմբերի դրությամբ Microsoft-ն ուներ մոտավորապես 9000 աշխատակից Չինաստանում։