«Ադրբեջանական «լրատվամիջոցների» տարածված հերթական հրապարակումը՝ ատելության խոսքի դասական օրինակ». ՀՀ ԱԳՆ մամուլի խոսնակ

2566

Ուրբաթ, 28 հուլիսի, 2023 թ., 18:36

ՀՀ ԱԳՆ մամուլի խոսնակ Անի Բադալյանն անդրադարձել է ադրբեջանական լրատվամիջոցներից մեկի հակահայկական, հակասեմական հրապարակմանը։

«Ադրբեջանական «լրատվամիջոցների» կողմից տարածված ևս մեկ հրապարակում, որը համապատասխանում է ատելության խոսքի դասական սահմանմանը, նույնպես լի է հակահայկական քարոզչությամբ։ Ատելության նման բացահայտ խրախուսումը, որը զուգորդված է տեղում իրականացվող գործողություններով, ինչպես նաև Լեռնային Ղարաբաղի ամբողջական շրջափակումը երկարատև ազդեցություն ունեն տարածաշրջանում և նրա սահմաններից դուրս»,- X-ում գրել է Բադալյանը։

Նա նաև կիսվել է հակասեմականության դեմ պայքարող ամերիկյան «StopAntisemitism» առաջատար կազմակերպության հրապարակմամբ: Այն անդրադարձել է Ադրբեջանում հրապարակված մի հոդվածի, որի վերնագիրն է. «Հիտլերն ավելի մարդասեր է, քան պատմության մեջ եղած ցանկացած հայ ղեկավար»:

«Stop Antisemitism-ը սարսափել է՝ տեսնելով, թե ինչ է հրապարակել ադրբեջանական թերթը: Ադոլֆ Հիտլերն սպանել է 6 միլիոն հրեայի և 5 միլիոն այլ ազգերի ներկայացուցիչների։ «Մարդասեր» բառը և նրա անունը նույն նախադասության մեջ չեն կարող կիրառվել»,- գրել է կազմակերպությունը X-ում:

Yet another piece, spread by Azerbaijani “media”, falling under classic definition of hate speech, also full of anti-#Armenia|n propaganda. Such open encouragement of hatred coupled w/actions on ground, total blockade of #NagornoKarabakh has long-lasting effect in region &beyond. https://t.co/imzUNp8Ibu
— Ani Badalyan, Spokesperson of MFA of Armenia (@ArmSpoxMFA) July 28, 2023