Երկու օր անց Ռուսաստանը պարզաբանել է Luna-25-ի կործանման պատճառը

«Ռոսկոսմոս» պետական ​​կորպորացիան Luna-25 լուսնային սարքի վթարը բացատրել է նրանով, որ նրա շարժիչը ժամանակին չի անջատվել ուղեծիրը կարգավորելիս։ Պետական ​​կորպորացիայի ղեկավար Յուրի Բորիսովի խոսքով՝ շարժիչն աշխատել է 127 վայրկյան՝ նախատեսված 84-ի փոխարեն։
«Ցավոք սրտի, շարժիչի անջատումը տեղի է ունեցել ոչ թե նորմալ, համաձայն ցիկլոգրամայի, այլ ըստ ժամանակավոր անջատման: Նախատեսված 84 վայրկյանի փոխարեն նա աշխատել է 127 վայրկյան։ Սա էր սարքի վթարի հիմնական պատճառը»,- ասել է Բորիսովը «Россия-24» հեռուստաալիքին տված հարցազրույցում։

Բորիսովը լուսնային առաքելությունն անվանել է «անգին փորձ»: «Ռոսկոսմոսը» կհասկանա, թե կոնկրետ ինչն է հանգեցրել շարժիչի աշխատանքի խափանմանը։ «Վստահ եմ, որ արտակարգ հանձնաժողովի աշխատանքի ընթացքում մենք կստանանք բոլոր անհրաժեշտ տվյալները։ Այն արդեն նշանակվել է և սկսել է աշխատել»,- ասել է Բորիսովը:

Օգոստոսի 11-ին Ամուրի շրջանի «Վոստոչնի» տիեզերակայանից Լուսին է ուղարկվել Luna-25-ը: Օգոստոսի 17-ին կայանն ուղարկել է լուսնի հեռավոր կողմի առաջին նկարները։ Օգոստոսի 19-ին այն անցել է արտանախագծային ուղեծրի և նրա հետ հաղորդակցությունն ընդհատվել է։