23-ամյա երիտասարդի ինքնասպանության փորձը կանխվել է

664

Հինգշաբթի, 14 սեպտեմբերի, 2023 թ., 15:12

Սեպտեմբերի 14-ին, ժամը 12:56-ին Ճգնաժամային կառավարման ազգային կենտրոն ահազանգ է ստացվել, որ քաղաքացին ցանկանում է ինքնասպանություն գործել՝ նետվելով Երևանի Կիևյան կամրջից։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Հոգեբանական աջակցության բաժնի հերթապահ հոգեբանը։
Մինչ փրկարարների կանչի վայր հասնելը՝ տեղի ուժերով կանխվել է Հ․ Գ-ի (ծնված 2000թ․) ինքնասպանության փորձը․ վերջինը տեղափոխվել է Ոստիկանության Մաշտոցի բաժին։
Հոգեբանը Հ․ Գ-ին տեղում ցուցաբերել է հոգեբանական աջակցություն:

Աղբյուրը` ՀՀ ներքին գործերի նախարարության փրկարար ծառայություն