ԱՄՆ-ը Պետդեպարտամենտը զգուշացնում է իր քաղաքացիներին

ԱՄՆ Պետդեպարտամենտն «անվտանգության գլոբալ ահազանգ» է տարածել արտերկրում գտնվող բոլոր ամերիկացի քաղաքացիներին՝ զգուշացնելով հնարավոր հարձակումների վտանգի մասին։

«Աշխարհի տարբեր վայրերում ահագնացած լարվածության և ԱՄՆ քաղաքացիների և շահերի դեմ ահաբեկչական հարձակումների, ցույցերի կամ բռնության հնարավորության պատճառով Պետդեպարտամենտն արտերկրում գտնվող ամերիկացի քաղաքացիներին խորհուրդ է տալիս ավելի զգույշ լինել»,- ասվում է հայտարարության մեջ:

Ամերիկայի քաղաքացիները պետք է զգոն մնան զբոսաշրջային վայրեր այցելելիս և գրանցվեն ծանուցումների և ահազանգերի համար: