28-ամյա ֆուտբոլիստը մահացել է հանդիպման ժամանակ

20686

Շաբաթ, 11 նոյեմբերի, 2023 թ., 23:30

Ալբանիայում ազգային առաջնության խաղի ժամանակ մահացել է տեղի «Էգնատիա» ակումբի խաղացող, գանացի 28-ամյա Ռաֆայել Դվամենան։ Այս մասին հայտնում է Գանայի ֆուտբոլային ասոցիացիան։

Ողբերգությունը տեղի է ունեցել շաբաթ օրը։ Դվամենան թիմում խաղացել է «Պարտիզանիի» դեմ։ Խաղի 24-րդ րոպեին նա կորցրել է գիտակցությունը: Բժիշկները շտապել են նրա մոտ, պարզվել է, որ մարզիկը սրտի կաթված է ստացել։ Նրան տեղափոխել են հիվանդանոց, սակայն այնտեղ չեն կարողացել օգնել, ֆուտբոլիստը մահացել է։

Դվամենան «Էգնատիայում» հանդես է գալիս 2023 թվականի հունվարի 1-ից։ Մինչ այդ նա հասցրել էր հանդես գալ Ցյուրիխում, Ավստրիայում և մի շարք այլ ակումբներում։ Նա հանդես է եկել նաև Գանայի հավաքականում և երկու գոլ է խփել նրա կազմում։