«Պատրաստ եմ Թրամփի հետ քննարկել Ուկրաինայի հարցով նրա ծրագիրը». Զելենսկի

Ուկրաինայի նախագահ Վլադիմիր Զելենսկին Fox News հեռուստաալիքին տված հարցազրույցում հայտարարել է, որ պատրաստ է ԱՄՆ նախկին նախագահ Դոնալդ Թրամփի հետ քննարկել Ուկրաինայի հարցով նրա կարգավորման ծրագիրը:

«Եկեք խոսենք նրա հետ և հնարավորություն տանք նրան ցույց տալ, թե ինչ քայլեր կան խաղաղության իր բանաձևում: Ես պատրաստ եմ, եթե, իհարկե, կա խաղաղության կոնկրետ ծրագիր»,- ասել է Զելենսկին:

Թրամփը բազմիցս հայտարարել է, որ 2024 թվականին ԱՄՆ նախագահի պաշտոնում ընտրվելու դեպքում կկարողանա 24 ժամում կարգավորել Ուկրաինայի հակամարտությունը: