Starship-ն առաջին անգամ ուղեծիր է հասել, բայց չի կարողացել վայրէջք կատարել օվկիանոսի վրա

Գերծանր Starship հրթիռը, որը մշակվում էր դեպի Լուսին թռչելու համար, հինգշաբթի ավարտել է իր երրորդ փորձնական թռիչքի փուլերի մեծ մասը։ Հինգշաբթի օրը այն առաջին անգամ մտել է մերձերկրյա ուղեծիր, սակայն չի կարողացել հանդարտ վայէջք կատարել Հնդկական օվկիանոսում:
Աստիճանները հաջողությամբ բաժանվել են 73 կմ բարձրության վրա, սակայն առաջին աստիճանը չի կարողացել բարեհաջող վայրէջք կատարել Մեքսիկական ծոցում. շարժիչները, հավանաբար, չեն գործել այնպես, ինչպես նախատեսված է եղել:
Երկրորդ աստիճանը բաժանումից հետո գործարկել է բոլոր շարժիչները և մտել Երկրի ցածր ուղեծիր, որից հետո շարժիչներն անջատվել են։ Նավը կարողացել է փորձարկել, բացել և փակել բեռնախցիկի լյուկը և վառելիքը մի բաքից մյուսը տեղափոխել: Երբ երկրորդ աստիճանը մտել է մթնոլորտ, շարժիչները չեն վերագործարկվել։ Երկրորդ աստիճանի հետ կապը կորել է 65 կմ բարձրության վրա, որտեղ Starship-ի արագությունը մոտ 7 կմ/վ է եղել։ Ենթադրաբար, երկրորդ աստիճանը շարքից դուրս է եկել և չի կարողացել իրագործել Հնդկական օվկիանոսում փափուկ վայրէջքը։
Starship-ն արձակվել է ԱՄՆ-ի Արևելյան ափի ժամանակով 09:25-ին (Երևանի ժամանակով 17:25-ին):
Կրկնակի օգտագործման հրթիռային համակարգը բաղկացած է Starship տիեզերանավից և Super Heavy արձակման մեքենայից։ Նրա բարձրությունը գերազանցում է 120 մետրը։ Այն ավելի բարձր է, քան աշխարհում երբևէ կառուցված ցանկացած այլ հրթիռ: Super Heavy կրիչը երկու անգամ ավելի հզոր է, քան տիեզերական արձակման համակարգ (SLS) ծանր հրթիռը, որը ստեղծվել է ՆԱՍԱ-ի կողմից դեպի Լուսին թռչող մարդկանց թռիչքների համար:
Հրթիռի արձակման նախորդ երկու փորձերը, որոնք արվել էին անցյալ տարվա ապրիլին և նոյեմբերին, ավարտվել էին անհաջողությամբ։ Starship-ի առաջին թռիչքը տևել է 4 րոպե և ավարտվել պայթյունով այն բանից հետո, երբ աստիճանները չեն կարողացել բաժանվել։ Երկրորդ փորձնական մեկնարկն ավելի երկար է տևել, բայց երկու աստիճաններն էլ պայթել են բաժանումից որոշ ժամանակ անց:

Starship-ն առաջին անգամ վերադարձել է մեկնարկային հարթակ՝ բռնվելով մեխանիկական «ձեռքեր»-մանիպուլյատորներով (լուսանկար, տեսանյութ)
122916.11.2026, 01:19
Հնագետներն Իսպանիայում հին հռոմեական արդյունաբերական մասշտաբի գինեգործության հետքեր են հայտնաբերել
88915.11.2026, 17:01
Հնագետները 5000 տարվա ութ հաց են հայտնաբերել, որոնք հրաշքով փրկվել են հրդեհից
90015.11.2026, 16:25
ԴՆԹ-ի վերլուծությունը բացահայտել է հին Իսպանիայում թաղված երկու մարդկանց միջև ազգակցական կապը
202408.11.2026, 18:49
Իսպանիայում հնագետները 19 հազար տարվա վաղեմության 280 ժայռապատկեր են հայտնաբերել
186508.11.2026, 17:01
Լիանա Խաչատրյանը դարձել է Միկրոէլեկտրոնիկայի 21-րդ միջազգային օլիմպիադայի հաղթողը
107106.11.2026, 00:36
Հայտնաբերվել են XI–XIII դարերի Խերսոնես հնագույն քաղաքի բնակիչների կենցաղային իրեր (լուսանկար, տեսանյութ)
276902.11.2026, 00:43
Հնագետները Երուսաղեմի Սուրբ Հարության տաճարի տակ աստվածաշնչյան նկարագրությանը համապատասխանող դամբարան են հայտնաբերել
281801.11.2026, 16:43