Հայտնի է ահաբեկությունից հետո Crocus City Hall-ից տարհանվածների թիվը

928

Երկուշաբթի, 25 մարտի, 2024 թ., 19:18

Crocus City Hall համերգասրահի աշխատակիցը պատմել է, թե մարտի 22-ին տեղի ունեցած արյունալի ահաբեկության ժամանակ քանի մարդ է դուրս բերվել շենքից։ «Շենքից տարհանվել է 5 հազար մարդ, հրշեջները հրդեհի ժամանակ նկուղից և տանիքից դուրս են բերել ևս 100 մարդու», - երկուշաբթի՝ մարտի 25-ին, ՏԱՍՍ-ին տված հարցազրույցում ասել է նա։

Ռուսաստանի ԱԻՆ Մոսկվայի մարզի գլխավոր տնօրինությունն ավելի վաղ հայտնել էր, որ փրկարարները համերգասրահի նկուղից դուրս են բերել մոտ 100 մարդու։ Արտակարգ իրավիճակների նախարարությունը չի հստակեցրել, թե քանի հոգու է փրկել շենքի տանիքից։

Անհայտ է մնում, թե ահաբեկության օրը քանի մարդ է եղել համերգասրահում։ Դահլիճն ունի 6200 նստատեղ, իսկ պարահրապարակը ներառյալ՝ 7233 նստատեղ։ «Պիկնիկ» խմբի համերգի բոլոր տոմսերը, որոնք նախատեսում էին այդ օրը ելույթ ունենալ Crocus-ում, սպառվել էին։