«Բուսաբանական այգու անվճար գրադարանը անհայտ անձինք կողոպտել ու ջարդել են

1619

Երկուշաբթի, 20 մայիսի, 2024 թ., 19:24

Երևանի բուսաբանական այգին տեղեկացնում է, որ
այս տարվա փետրվարի 19-ին բացված փոքրիկ գրադարանը, որ այգու նվերն էր իր ընթերցասեր այցելուներին, անհայտ անձինք կողոպտել ու ջարդել են:
«Այսօր պարզվեց, որ կան մարդիկ, որ ոչ միայն չեն սիրում կարդալ, այլ նաև անհանգստանում են գրադարանի առկայությունից։
Սիրելի այցելու, այգու տնօրինությունը խոստանում է արագ վերականգնել գրադարանը և այն հարստացնել նոր գրքերով։
Երևանի բուսաբանական այգին մեր բոլորի հարստությունն է, եկե՛ք միասին հոգ տանենք այգու մասին և այն դարձնենք ավելի լավը»,- ասվում է այգու ֆեյսբուքյան էջում ըտարածած հայտարարության մեջ։