«Իսկ մեր մեջքին չկա պետություն, որը դժվար պահերին կգա մեր հետևից»․ Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը․ «Երեկ արևմտյան մի քանի պետություն Ռուսաստանի հետ կալանավորների փոխանակում են արել Թուրքիայում: Դրանց թվում ՌԴ-ն ազատ է արձակել նաև լրագրողների (նաև ՌԴ քաղաքացի), որոնք տարվել են այն երկրներ որոնց համար աշխատում էին:
Սրա դիմաց ազատ են արձակվել դատարանով սպանությունների համար դատապարտված անձինք, ներառյալ Գերմանիայից:
Այս տեղեկությունը այս երկրների քաղաքացիների համար հպարտության հերթական առիթը կլինի, քանզի նրանց թիկունքում պետություն կա կանգնած, որ նրանց մասին հոգ է տանելու:
Իսկ մեր երկրի գիտակից քաղաքացիների համար այս տեղեկությունը պետք է լինի հերթական հիշեցումը գլուխ կախելու և ամոթ զգալու, քանզի մեր մեջքին չկա պետություն ով դժվար պահերին կգա մեր հետևից:
Ավելին մեր պետության ղեկավարի հրամանով մարդիկ պատերազմ են տարվում, գերեվարվում և հետո մոռացության մատնվում նրա կողմից: Ամոթ և ստորացում ի պատճառ սեփական պետության ձախողվածության՝ ի հետևանք քաղաքացիների համատարած անտարբերության»: