«Ադրբեջանը փորձում է Իրանին արժեզրկել մեր աչքում»․ Տաթևիկ Հայրապետյան

«Պատերազմը զսպվում է, որովհետև դրա շուրջ միջազգային կոնսենսուս չկա։ Հիմա կոնկրետ Սյունիքի ուղղությամբ, երբ Ադրբեջանը Նախիջևանում զորավարժություններ է անում, սպառնալից հայտարարություններ հնչեցնում, այդտեղ արդեն գալիս է Իրանի գործոնը»,- 24TV-ի եթերում ասել է ադրբեջանագետ, ԱԺ նախկին պատգամավոր Տաթևիկ Հայրապետյանը։ «Ադրբեջանն այնպիսի քաղաքականություն է վարում, որպեսզի Իրանին արժեզրկի մեր աչքում։ Որպեսզի դիրքորոշում փոխվի հայ հանրության մեջ՝ նշելով, որ Իրանն իրականում ոչ մի քայլ չի անի։ Իրանը, այնպես չի, որ մեզ համար է դիրքորոշում որդեգրել, նա հասկանում է դրա աշխարհաքաղաքական նշանակությունը։ Հասկանում է, որ ամբողջ ռեգիոնալ բալանսն առանց այն էլ խախտվել է Լեռնային Ղարաբաղում տեղի ունեցածից հետո, հիմա էլ, առհասարակ, դառնալու է անվերապահորեն խախտված»,-նշել է ադրբեջանագետը։