Շաբաթ, 05 հուլիսի, 2025 թ.
|
Ստեփանակերտում`   +18 °C

«Երեխաների աչքի առաջ ուսուցչին տապալել են գետնին»․ Մարինա Ադուլյանը՝ թիվ 20 դպրոցի ուսուցչի ձերբակալման մասին

«Երեխաների աչքի առաջ ուսուցչին տապալել են գետնին»․ Մարինա Ադուլյանը՝ թիվ 20 դպրոցի ուսուցչի ձերբակալման մասին
1271
Հինգշաբթի, 10 հոկտեմբերի, 2024 թ., 14:54

Ինչպես հայտնի է, Երևանի Ջոն Կիրակոսյանի անվան դպրոցի աշխատակիցներից մեկի նկատմամբ հանրային քրեական հետապնդում է հարուցվել։
Դպրոցի ծնողներից Մարինա Ադուլյանը ֆեյսբուքյան գրառում է կատարել․ «Այսօր երեխայիս ֆիզիկայի դասին ԱԱԾ֊ն (այդպես են ներկայացել ըստ լուրերի) ներխուժել է դասարան, ուսուցչին տապալել գետնին, սեղան բրդել, մազերից քաշել և այլն։ Այդ ամենը երեխաների աչքի առաջ, 2 ժամ է չենք կարողանում էդ ամենից հետո երեխաներին հանգստացնել։ Լավ, ո՞նց։

Ո՞ւր են ձեր դրոշակ դարձրած մարդու իրավունքները, երեխաների շահերը և այլն։
Դուք տանը երեխաներ չունե՞ք։ Ձեր երեխաների աչքի առաջ երեխաների ամենասիրելի ուսուցիչներից մեկի հետ նման բան կանե՞իք։
Ինձ չի հետաքրքրում մեղադրանքը հիմնավոր է թե անհիմն՝ դա թող իրավապահ մարմինները պարզեն։ Բայց իմ երեխայի աչքի առա՞ջ, հետպատերազմական երկրում, երեխային այսպիսի սթրեսի ենթարկե՞լ»։

Աղբյուրը`   Մարինա Ադուլյան