«Հասկացավ՝ ինչ խնդրի առաջ կանգնեցրեց ու մանդատը վայր դրեց»․ Գևորգ Ստեփանյան

«Չեք կարծո՞ւմ, որ այս ավագանին իրեն սպառել է։ Ավագանու մի քանի անդամների ապօրինաբար մանդատից զրկեցիք։ Հիմա էլ բերում եք նախագծեր, որոնք ձեր քարոզարշավին չեք ասել․ գույքահարկի, տրանսպորտի, տեղական տուրքերի, աղբահանության թանկացումների վերաբերյալ»,- դիմելով Երևանի քաղաքապետ Տիգրան Ավինյանին՝ ասաց «Մայր Հայաստան» խմբակցության անդամ Գևորգ Ստեփանյանը։ Նա իր խոսքում նաև հաստատեց այն տեղեկատվությունը, որ կարմիր գծերի վերաբերյալ նախագիծը չէր անցնի, եթե ավագանու արդեն նախկին անդամ Գրիգոր Հարությունանը, ով «Հանրային ձայն»-ից է եղել, ապա դարձել է ավագանու անկախ անդամ, ձեռնպահ քվեարկելով քվորում չապահովեր։

Հիշեցնենք, որ քվեարկությունից րոպեներ անց Հարությունյանը հայտարարել էր մանդատը վայր դնելու մասին․ «Հասկացավ՝ ինչ խնդրի առաջ կանգնեցրեց ու մանդատը վայր դրեց։ Բոլորը պետք է հասկանան՝ երևանցիների դեմ ով գնում է, մանդատը չէ, ամեն ինչ էլ պետք է դնեն»,- հավելեց Ստեփանյանը։