«Ղազախստանում ավիավթարի բոլոր 38 զոհերի մարմինները հայտնաբերվել են»․ Ղազախստանի ԱԻՆ

Ղազախստանում ավիավթարի հետևանքով զոհված բոլոր 38 մարդկանց մարմինները հայտնաբերվել են, 7 հոգու ինքնությունը պարզվել է։ Ներկայումս տեղանքում փրկարարական աշխատանքներն իրականացնում են Ռուսաստանի Դաշնության Կենտրոնական օպերատիվ շտաբի խմբերը։ Այս մասին հայտնել են Ղազախստանի արտակարգ իրավիճակների նախարարությունից։

Գերատեսչությունը հաստատել է Ղազախստանի իշխանությունների երեկվա հաղորդագրությունը, ըստ որի՝ վթարի հետևանքով զոհվել է 38 մարդ։

«Հայտնաբերվել և դատաբժշկական փորձաքննության կենտրոն են ուղարկվել մահացածների 38 դի, որոնցից 6-ը Ղազախստանի քաղաքացիներ են և անձնակազմի 3 անդամներ»,- հայտնում է ԱԻՆ-ը։

Արտակարգ իրավիճակների նախարարությունը նաև հիշեցրել է, որ դեկտեմբերի 25-ին ԱԻՆ մի խումբ փրկարարներ հայտնաբերել են ինքնաթիռի սև արկղը։

Հիշեցնենք, որ դեկտեմբերի 25-ին Բաքվից Գրոզնի թռչող ադրբեջանական ավիաընկերության ինքնաթիռը վթարի է ենթարկվել Ղազախստանի Ակտաու քաղաքի մոտակայքում։