Վրաստանի ընդդիմությունը Զուրաբիշվիլիին առաջարկում է չլքել նախագահի նստավայրը դեկտեմբերի 29-ից հետո

Ընդդիմության որոշ ներկայացուցիչներ պատրաստ են գրավել Վրաստանի նախագահի նստավայրը և մնալ այնտեղ Սալոմե Զուրաբիշվիլիի հետ, չորեքշաբթի օրը նախագահի և ընդդիմության հետ հանդիպումից հետո լրագրողներին ասել է «Ուժեղ Վրաստան» կոալիցիայի առաջնորդներից Աննա Դոլիձեն։
"Հանուն փոփոխությունների" կոալիցիայի առաջնորդ Նիկա Գվարամիան ասում է, որ իրենք սատարում են այս առաջարկը։

Սալոմե Զուրաբիշվիլին դեռ չի հայտարարել այս հարցում իր որոշման մասին։

Հիշեցնենք, որ Կոբախիձեն ավելի վաղ Զուրաբիշվիլիին սպառնացել էր քրեական հետապնդումով, եթե նա չազատի նստավայրը՝ մինչև նոր նախագահի երդմնակալության օրը։