«Tesla Cybertrack-ի պայթյունը ոչ մի կապ չունի էլեկտրոմոբիլի հետ»․ Մասք

Լաս Վեգասում Թրամփի հյուրանոցի մոտ Tesla Cybertrack էլեկտրոմոբիլի պայթյունը տեղի է ունեցել սրահում մեծ քանակությամբ հրավառ նյութերի կամ ռումբի պատճառով, և այն ոչ մի կապ չունի էլեկտրոմոբիլի հետ։ Այս մասին X-ի իր էջում գրել է ամերիկացի միլիարդատեր, Tesla ընկերության սեփականատեր Իլոն Մասքը։
Նա հնարավոր է համարել պայթյունի կապը Նոր Օռլեանի ահաբեկչության հետ:

Հիշեցնենք, որ նախօրեին Լաս Վեգասում Թրամփի հյուրանոցի մոտ պայթել էր Tesla Cybertruck ավտոմեքենան, որի հետևանքով վարորդը մահացել էր, յոթ մարդ՝ վիրավորվել։

Իշխանությունները հայտնել էին, որ միջադեպը հետաքննում են որպես ահաբեկչություն: