Իսրայելը հարվածներ է հասցրել ՀԱՄԱՍ-ի հրամանատարական 40 կենտրոնի

1811

Ուրբաթ, 03 հունվարի, 2025 թ., 18:01

Իսրայելի ռազմաօդային ուժերը հարձակվել են Գազայի հատվածում ՀԱՄԱՍ-ի տասնյակ հավաքատեղերի վրա, ինչպես նաև խմբավորման հրամանատարական կետերի վրա, ասվում է Իսրայելի պաշտպանության բանակի (IDF) Telegram-ի ալիքի հաղորդագրության մեջ:

«Վերջին մեկ օրվա ընթացքում Ռազմաօդային ուժերը, հիմնվելով Իսրայելի պաշտպանության բանակի և Գլխավոր անվտանգության ծառայության հետախուզության վրա, հարվածներ է հասցրել ՀԱՄԱՍ-ի ահաբեկիչների հավաքման մոտավորապես 40 կետերին, ինչպես նաև Գազայի հատվածում նրա հրամանատարության և վերահսկման կենտրոններին» - ասվում է հայտարարության մեջ:

Իսրայելի պաշտպանության բանակը նշել է, որ այստեղ գործել են թշնամու տասնյակ զինյալներ՝ հարձակումներ իրականացնելով իսրայելցի զինվորների և խաղաղ բնակիչների վրա։ Ավելին, Իսրայելի պաշտպանության բանակի տվյալներով՝ հակառակորդի որոշ թիրախներ տեղակայված են եղել այն վայրերում, որտեղ նախկինում գործել են դպրոցներ։