«Նորից սխալ հաշվարկ եք կատարել». Էդմոն Մարուքյան

«Լուսավոր Հայաստան» կուսակցության ղեկավար Էդմոն Մարուքյանի թելեգրամյան գրառումը. «ԱԺ ընդդիմությունը հիմա էլ գնացել է ՀՀ ազգային հերոս, գեներալ-լեյտենանտ Տիրան Խաչատրյանի խափանման միջոցը քննող դատարանի մոտ և քաղաքական ելույթներ է ունենում։

Հարգելինե՛րս, դուք նորից սխալ հաշվարկ եք կատարել, սխալ խաղադրույք եք արել, սխալ «ազգային հերոս» եք ընտրել։

Դուք, ինչպես միշտ, սխալվել եք և, ինչպես միշտ, ամոթալի վիճակում եք հայտնվելու։

Ուղղակի փորձում եմ հասկանալ ձեր տրամաբանությունը, եթե այն, իհարկե, առկա է ձեր գործողություններում։ Նիկոլ Փաշինյանի գերագույն գլխավոր հրամանատարությունը չեք ընդունում, բայց նրա հռչակած ազգային հերոսին ուզում եք իրենից պաշտպանել։

Եթե այս ամենը տխուր չլիներ, գուցե կարելի էր մի լավ ծիծաղել»: