«Ինչո՞ւ եք աշխատանքից ազատել Վաչե Տերտերյանին»․ հարց՝ Դավիթ Խուդաթյանին

«Ես եմ առաջարկել պարոն Վաչե Տերտերյանի հետ աշխատանքը չշարունակելու տարբերակը՝ հիմնավորված նրանով, որ նախարարությունում որոշակի փոփոխություններ պետք է լինեն, ինչը բնական պրոցես է»,- ասուլիսի ժամանակ ասաց ՏԿԵ նախարար Դավիթ Խուդաթյանը՝ ի պատասխան հարցին, թե ինչո՞ւ է աշխատանքից ազատել փոխնախարար Վաչե Տերտերյանին։ «Սրանով չեմ ուզում ստվերել պարոն Տերտերյանի վաստակը ՏԿԵ կայացման գործում։ Ասեմ, որ մենք շատ լավ հարաբերություններ ունենք միմյանց հետ։ Պարոն Տերտերյանը պատրաստակամություն է հայտնել իր փորձով շարունակել մեզ հետ այլ ֆորմատներում աշխատել, այդ թվում նաև՝ ընկերական։ Գուցե, դժվար է ամբողջ փոփոխությունների ծավալի տրամաբանությունը հասկանալ, որովհետև դրանք որոշակի անձնական հարաբերությունների արդյունքում են լինում, բայց այնտեղ, որտեղ դրանք չկան, խնդրում եմ ոչ մի անձնական բան չփնտրել։

Պարոն Տերտերյանի ազատման մեջ խնդիրներ չեն եղել»,- ասաց նախարարը։