«Իրանի ժողովուրդն իր հողից ոչ մի թիզ չի զիջի»․ իրանցի պատգամավոր

Իրանցի պատգամավոր Ռուհոլլահ Մութաֆաքկիր Ազադը պատասխանել է Բաքվից հնչող տարածքային պահանջներին։ «Ադրբեջանում որոշ պատգամավորներ տարածքային պահանջներ են ներկայացնում Իրանի նկատմամբ։ Ուզում եմ ասել, որ ձեռքը միանում է մարմնին, իսկ փոքրը՝ մեծին։ Այսինքն, եթե դուք, որպես անջատված մաս, ցանկանում եք վերամիավորվել, եկեք միացեք մեզ։ Իրանի ժողովուրդն իր հողից ոչ մի թիզ չի զիջի։ Նրանք, ովքեր տարածքային պահանջներ են ներկայացնում իրենց հարևաններին, պետք է դա գիտակցեն և պաշտոնապես ներողություն խնդրեն Իրանի ժողովրդից», ասել է պատգամավորը։

Հիշեցնենք, որ ավելի վաղ ադրբեջանցի Ռեսադ Ասլանովը, սպառնալով Իրանին, ցույց էր տվել քարտեզ, որտեղ պատկերված էր Իրանի օկուպացիան և ասել. «Սա ինչ-որ տեղ լուսանցքում գրեք՝ հերթը Իրանինն է»։