«Մոսկվայի ու Թեհրանի միջև համաձայնագիրը ներառում է 47 հոդված»․ Իրանի դեսպան

319

Երկուշաբթի, 13 հունվարի, 2025 թ., 11:42

Մոսկվայի և Թեհրանի միջև համապարփակ ռազմավարական գործընկերության մասին համաձայնագիրը ներառում է երկկողմ համագործակցության բոլոր ոլորտները, ասել է Ռուսաստանում Իրանի դեսպան Քազեմ Ջալալին՝ IRNA-ին տված հարցազրույցում։ Նրա խոսքով՝ փաստաթուղթը ներառում է 47 հոդված։

Իրանի նախագահ Մասուդ Պեզեշքիանը հունվարի 17-ին կայցելի Մոսկվա՝ ստորագրելու Համապարփակ ռազմավարական գործընկերության համաձայնագիրը։ Համաձայնագրի մշակման գործընթացը սկսվել է դեռևս 2014թ.։

Ինչպես «Կոմերսանտ»-ին հայտնել է իրանական դիվանագիտական աղբյուրը, համաձայնագրի կարևոր մասը կկազմեն առևտրատնտեսական և էներգետիկ ոլորտներում համագործակցությունը, ինչպես նաև «գործընկերությունը՝ պաշտպանության և անվտանգության հետ կապված հարցերում»: