«ԵՄ-ն պատրաստ է ընդլայնված աջակցություն ցուցաբերել կարգավորման գործընթացին». Մագդալենա Գրոնո

Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն ամփոփել է հունվարի 7-11-ը տարածաշրջան կատարած իր առաջին այցն ու մանրամասներ ներկայացրել անցկացված հանդիպումներից։

Այս մասին նա գրառում է կատարել X-ի իր միկրոբլոգում:

«Ընդգծվել է, որ ԵՄ-ն հավատարիմ է մնում այս տարածաշրջանին և իր գործընկերությանը թե՛ Հայաստանի, թե՛ Ադրբեջանի հետ:
• Բարձր է գնահատվել երկու երկրների ղեկավարության և պաշտոնյաների հետ մտքերի խորը փոխանակումն այն հարցերի շուրջ, թե ինչպես լավագույնս խթանել խաղաղությունը, կարգավորման ջանքերը, տարածաշրջանային համագործակցությունը, ԵՄ-Հայաստան և ԵՄ-Ադրբեջան երկկողմ հարաբերությունները:
• Նշվել է, որ ԵՄ-ն պատրաստ է ընդլայնված աջակցություն ցուցաբերել կարգավորման գործընթացին՝ առանձնահատուկ ուշադրություն դարձնելով տարբեր ասպեկտներին, ներառյալ ընթացիկ երկկողմ բանակցությունները, հումանիտար հարցերը և փոխհարաբերությունները:
• Ընդգծվել է դեպի կայուն խաղաղություն շարժվելու, չլուծված հարցերի շուրջ առաջընթաց ապահովելու և բնակչությանը խաղաղության նախապատրաստելու կարևորությունը»,- գրել է ԵՄ ներկայացուցիչը։