«Ռուս-իրանական համաձայնագիրը ռազմական դաշինք չի ենթադրում»․ Իրանի ԱԳ նախարար

Մոսկվայի և Թեհրանի միջև Համապարփակ ռազմավարական գործընկերության համաձայնագիրն ուղղված է երկկողմ հարաբերությունների բոլոր՝ այդ թվում պաշտպանական ոլորտի զարգացմանը, բայց չի նախատեսում ռազմական դաշինքի ստեղծում։ Այս մասին հայտարարել է Իրանի արտգործնախարար Աբբաս Արակչին։

«Սա իսկապես համալիր, համապարփակ համաձայնագիր է, բայց այն ռազմական դաշինք ստեղծելու նպատակ չի հետապնդում»,- ասել է դիվանագետը՝ Իրանի պետական ​​հեռուստառադիոընկերության եթերում։

Նրա խոսքով, համաձայնագիրն ուղղված չէ երրորդ երկրների դեմ և Մոսկվային ու Թեհրանին ոչ մի կերպ չի սահմանափակում այլ երկրների հետ պայմանագրեր կնքելու հարցում։