«Իսրայելի և ՀԱՄԱՍ-ի միջև համաձայնագիրը պայմաններ կստեղծի պաղեստինյան հիմնախնդրի լուծման համար»․ Զախարովա

Ռուսաստանը լիահույս է, որ Իսրայելի և ՀԱՄԱՍ-ի միջև համաձայնագիրը պայմաններ կստեղծի պաղեստինյան հիմնախնդրի լուծման համար։ Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Հուսով ենք, որ այդ պայմանավորվածությունների իրականացումը կարևոր գործնական քայլ կդառնա պաղեստինաիսրայելական առճակատման գոտում իրավիճակի երկարաժամկետ կայունացման ուղղությամբ, ինչպես նաև նախադրյալներ կստեղծի ընդհանուր առմամբ մերձավորարևելյան տարածաշրջանում իրավիճակը բարելավելու համար։ Այդ թվում՝ Լիբանանում, Սիրիայում և Եմենում»,- ասել է Զախարովան։

Հիշեցնենք, որ Իսրայելի և ՀԱՄԱՍ-ի միջև համաձայնագրի հաստատումից անմիջապեսն հետո Իսրայելը հարվածել է Գազայի հատվածին՝ ՀԱՄԱՍ-ին մեղադրելով վերջին պահին ճգնաժամ ստեղծելու մեջ։