«Արևմուտքը դիտարկում է Բելառուսի սահմանամերձ շրջանները գրավելու հնարավորությունը»․ Վոլֆովիչ

Բելառուսի Անվտանգության խորհրդի պետքարտուղար Ալեքսանդր Վոլֆովիչը կարծում է, որ արևմտյան երկրները դիտարկում են տեղական ծայրահեղական խմբավորումների ներգրավմամբ հանրապետության մեկ կամ մի քանի սահմանամերձ շրջաններ գրավելու հնարավորությունը՝ այնուհետև այնտեղ խաղաղապահներ մտցնելու մտադրությամբ։ Այս կարծիքը նա հայտնել է բելառուսական Belarus Segodnya հրատարակությանը տված հարցազրույցում։

ԱԽ պետքարտուղարի խոսքով՝ արեւմտյան երկրները «շարունակում են ակտիվորեն աջակցել երկրից դուրս գտնվող ծայրահեղականներին»։ Նրանք ծրագրում են «տապալել հանրապետության ներկայիս իշխանությունը և զինյալներ են պատրաստում Բելառուսի ազատագրական բանակի համար», կարծում է Վոլֆովիչը։