Նեթանյահուն իր դաշնակիցներին խոստացել է վերսկսել պատերազմը Գազայի հատվածում․ #WP

Իսրայելի վարչապետ Բենիամին Նեթանյահուն իր կառավարական կոալիցիայի ծայրահեղ աջ անդամներին խոստացել է վերսկսել ռազմական գործողությունները Գազայի հատվածում՝ գործարքի առաջին փուլից հետո, գրում է The Wasington Post-ը՝ վկայակոչելով «բանակցություններին ծանոթ» աղբյուրներին։

Մինչ իսրայելական իշխանությունները ձգտում էին հարթել պաղեստինյան ՀԱՄԱՍ շարժման հետ տարաձայնությունները և պայմաններ ստեղծել պատանդների փոխանակման համար, Նեթանյահուի մի շարք դաշնակիցներ գործարքը վաղաժամ են համարել և սպառնացել են լքել նրա կոալիցիան ու տապալել կառավարությունը, գրում է WP-ն։

Հիշեցնենք, որ Իսրայելը և ՀԱՄԱՍ-ը ստորագրել են հրադադարի համաձայնագիր՝ ԱՄՆ-ի և Քաթարի միջնորդությամբ։ Առաջին փուլում նախատեսվում է ազատ արձակել 33 պատանդի՝ ավելի քան 1000 պաղեստինցի բանտարկյալների դիմաց։ Երկրորդ փուլը պետք է համաձայնեցվի առաջինի ժամանակ և կպահանջի իսրայելական զորքերի դուրսբերում Գազայի հատվածից, գրում է WP-ն։ Ինչպես հայտարարել էր ԱՄՆ նախագահ Ջո Բայդենը, երրորդ փուլը ներառում է անկլավի հետպատերազմյան վերակառուցումը։