«Ուկրաինական հակամարտության կարգավորման հարցում կարևոր են իրավական համաձայնությունները»․ Լավրով

Ուկրաինայում հակամարտության կարգավորման հարցում քննարկումը պետք է լինի իրավական համաձայնագրերի շուրջ, այս մասին հայտնել է ՌԴ արտգործնախարար Սերգեյ Լավրովը։

«Մենք ընդգծել ենք այս ճգնաժամը լուծելու մեր շարունակական հանձնառությունը՝ անդրադառնալով դրա սկզբնական պատճառներին: Ըմբռնումը, որ առանց դրա անհնար կլինի հասնել հակամարտության ավարտին, աճում է, այդ թվում, ի դեպ, Եվրոպայում և Միացյալ Նահանգներում:

Այստեղ միայն վստահելի, իրավական առումով պարտավորեցնող համաձայնագրերի մասին կարող է խոսք լինել՝ ամրագրված դրանք խախտելու անհնարինության մեխանիզմով»,- ասել է Լավրովը՝ Ղրղզստանի իր գործընկեր Ժենբեկ Կուլուբաևի հետ կայացած ճեպազրույցում։