Հունվարի 25-ից Գազայի հատվածի բնակիչները կարող են վերադառնալ իրենց տները․ ՀԱՄԱՍ

Գազայի հատվածում բնակվող պաղեստինցիները, ովքեր ստիպված են եղել հեռանալ այնտեղից Իսրայելի ռազմական գործողությունների պատճառով, կսկսեն վերադառնալ իրենց տները անկլավում հրադադարի համաձայնագրի յոթերորդ օրը՝ հունվարի 25-ին: Համապատասխան հայտարարությունը հրապարակվել է պաղեստինյան ՀԱՄԱՍ շարժման Telegram ալիքում։

«Հրադադարի համաձայնագրի յոթերորդ օրը՝ գերիների փոխանակման ավարտից հետո, ներքին տեղահանվածները, կկարողանան վերադառնալ հյուսիսում գտնվող իրենց տները ոտքով և առանց զենքի, նրանք խուզարկության չեն ենթարկվի»,- ասվում է փաստաթղթում։ Շարժումը հավելել է, որ Գազայի հյուսիս վերադառնալու համար մեքենաներ ևս կարող են օգտագործվել, սակայն դրանք պետք է ստուգվեն նախքան անկլավի հարավային շրջանները լքելը: