«ԱՄՆ-ի հետ միջուկային գործարքը կբխի ողջ աշխարհի շահերից»․ Պեսկով

670

Ուրբաթ, 24 հունվարի, 2025 թ., 15:19

Ողջ աշխարհը շահագրգռված է, որ ԱՄՆ-ն և Ռուսաստանը համաձայնության հասնեն միջուկային զինաթափման հարցի շուրջ, այս մասին ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով ամերիկյան նոր վարչակազմի հետ նման համաձայնագրի հեռանկարների մասին հարցին։

«Ողջ աշխարհի և մեր երկրների ժողովուրդների շահերից ելնելով, իհարկե, մենք շահագրգռված ենք բանակցային գործընթացը շուտափույթ սկսելու հարցում, մենք նախկինում էլ խոսել ենք սրա մասին, ուստի գնդակը գտնվում է ամերիկյան կողմում, որը դադարեցրել է առարկայական բոլոր շփումները մեր երկրի հետ»,- նշել է Պեսկովը։

Հիշեցնենք՝ հունվարի 23-ին Թրամփը հայտարարել էր, որ աջակցում է միջուկային զինանոցների կրճատմանը և «միանգամայն հնարավոր» է համարում հասնել դրանց կրճատմանը ԱՄՆ-ի, Ռուսաստանի և Չինաստանի կողմից։