«Եթե Ադրբեջանին բավարարող քաղաքական որոշում չկայացվի, Սյունիքում ճանապարհը կվերահսկի ռուս-թուրքական զորախումբը»․ Մովսես Հակոբյան

«Խաղաղության խաչմերուկ» եզրույթում կա մեկ նախադասություն, որն ինձ մոտ սարսափ է առաջացնում՝ դա «փոխադարձության սկզբունքով» արտահայտությունն է», «24Նյուզ»,- ի հետ զրույցում այս մասին նշեց ՀՀ ԶՈՒ ԳՇ նախկին պետ, Արցախի ՊԲ նախկին հրամանատար, գեներալ-գնդապետ Մովսես Հակոբյանը։

«Այսինքն՝ ճանապարհների օգտագործումը լինելու է փոխադարձության սկզբունքով․ այդ ճանապարհից կարող են օգտվել և՛ ՀՀ, և՛ Ադրբեջանի քաղաքացիները, ինչպես նաև Թուրքիան, միջինասիական երկրները․․․ Դա մեզ համար նշանակում է Մեղրիից Նախիջևանով գալ Երասխ․․․

Հիմա ես հնչեցնում եմ շատ վատ բան․ եթե ճանապարհի հարցում քաղաքական ճիշտ որոշում չլինի, որը կբավարարի Ադբեջանին, Նոյեմբերի 9-ի փաստաթուղթը կյանքի է կոչվելու՝ ավելի վատ հետևանքներով։ Այդ ճանապարհը լինելու է, և այդ ճանապարհը վերահսկելու են ոչ թե ՀՀ-ն կամ Ադրբեջանը, այլ ռուս-թուրքական զորախումբը, որի ղեկավարման կետը մինչև օրս Աղդամում գործում է»։