Բրյուսելում ԵՄ դեսպանները կքննարկեն ՀՀ-ում ԵՄ դիտորդական առաքելության ժամկետը երկարաձգելու հարցը

Այսօր Բրյուսելում ԵՄ դեսպանները որոշում կկայացնեն Հայաստանում ԵՄ դիտորդական առաքելության ժամկետը ևս երկու տարով՝ մինչև 2027թ. փետրվարի 19-ը երկարաձգելու հարցի շուրջ։

«Ազատության» եվրոպական հարցերով խմբագիր Ռիկարդ Յոզվիակի խոսքով՝ «եթե վերջին պահին անակնկալներ չառաջանան, դեսպանները կհաստատեն նախագիծը, ըստ որի ԵՄ քաղաքացիական առաքելությունը Հայաստանում կմնա ևս երկու տարի»։

Ենթադրվում է, որ դիտորդների կազմն ու թվաքանակը կմնա անփոփոխ՝ 165 միջազգային և 44 հայաստանյան դիտորդներ։