Երկուշաբթի, 15 սեպտեմբերի, 2025 թ.
|
Ստեփանակերտում`   +14 °C

«Վրացական երազանքը» դադարեցնում է աշխատանքը ԵԽԽՎ-ում

«Վրացական երազանքը» դադարեցնում է աշխատանքը ԵԽԽՎ-ում
498
Հինգշաբթի, 30 հունվարի, 2025 թ., 10:36

«Վրացական երազանքը» դադարեցնում է աշխատանքը Եվրոպայի խորհրդի խորհրդարանական վեհաժողովում, հայտարարել է վրացական պատվիրակության ղեկավար Թեա Ցուլուկիանին։

Նրա խոսքով՝ Վրաստանի վերաբերյալ ընդունված բանաձևի պայմաններն ու վերապահումներն «անընդունելի, անարդար ու անհիմն են»։

Ցուլուկիանիի խոսքով՝ նոր ընտրություններ նշանակելու ԵԽԽՎ-ի պահանջը «խախտում է Վրաստանի ինքնիշխանությունը և անտեսում ավելի քան 1 միլիոն 120 հազար ընտրողների ձայնը»։

Միաժամանակ նա նշել է, որ Վրաստանը մնում է Եվրախորհրդի անդամ և ԵԽԽՎ-ում կվերսկսի իր աշխատանքը, «երբ անարդար վերաբերմունքը փոխվի և շանտաժը դադարի»։

Հիշեցնենք, որ ԵԽԽՎ-ն ընդունել էր բանաձև, որով պատժամիջոցներ է սահմանում վրացական իշխանությունների դեմ և պահանջում սկսել արտահերթ խորհրդարանական ընտրությունների գործընթացը՝ ԵԽԽՎ վերահսկողության ներքո։