Երկուշաբթի, 14 սեպտեմբերի, 2026 թ.
|
Ստեփանակերտում`   +17 °C

Շոլցը քննադատել է բնական ռեսուրսների դիմաց Ուկրաինային օգնելու Թրամփի առաջարկը

Շոլցը քննադատել է բնական ռեսուրսների դիմաց Ուկրաինային օգնելու Թրամփի առաջարկը
2866
Երեքշաբթի, 04 փետրվարի, 2025 թ., 12:14

Բրյուսելում ԵՄ պաշտպանության հարցերով գագաթնաժողովին Գերմանիայի կանցլեր Օլաֆ Շոլցը քննադատել է Դոնալդ Թրամփի հայտարարությունը, ըստ որի՝ ԱՄՆ-ն ռազմական օգնություն կտրամադրի Ուկրաինային՝ հազվագյուտ հողային մետաղների դիմաց։

«Այդ երկրի ռեսուրսները պետք է օգտագործվեն ֆինանսավորելու այն ամենն, ինչ անհրաժեշտ կլինի պատերազմից հետո»,- Շոլցի խոսքերն է մեջբերում Reuters-ը։ Նրա խոսքով՝ «շատ եսասիրական կլիներ նման միջոցներն օգտագործելը ռազմական աջակցության ֆինանսավորման համար, ավելի լավ կլիներ, եթե Ուկրաինայի ռեսուրսներն օգտագործվեին բարվոք ապագայի համար»,- հավելել է Գերմանիայի կանցլերը:

Ավելի վաղ Դոնալդ Թրամփը հայտարարել էր, որ Ուկրաինային օգնությունը կշարունակվի, եթե այդ երկիրը խոստանա հազվագյուտ հողային մետաղներ մատակարարել ԱՄՆ-ին։