«Սպառազինության մատակարարման վերսկսումը վատ ազդակ է ուկրաինական հակամարտությունը կարգավորելու համար»․ Պետդումայի պատգամավոր

Պետդումայի պատգամավոր, Անվտանգության հանձնախմբի անդամ Միխայիլ Շերեմեթն արձագանքել է Ուկրաինային ամերիկյան զենքի մատակարարումների վերսկսմանը, հայտնում է РИА Новости-ն։
«Սպառազինության մատակարարումների վերսկսումը լրացուցիչ խոչընդոտներ է ստեղծում և վատ խթան է ռազմական հակամարտությունը կարգավորելու և Ռուսաստանի և ԱՄՆ-ի միջև հնարավոր բանակցություններում ընդհանուր լեզու գտնելու համար»,- նշել է պատգամավորը:

Reuters-ն ավելի վաղ հայտնել էր, որ կարճաժամկետ դադարից հետո ԱՄՆ-ի կողմից Ուկրաինա զենքի մատակարարումները վերսկսվել են: