Ալեն Սիմոնյանը քիչ հավանական է համարում ՌԴ միջնորդությունը հայ-ադրբեջանական խաղաղության բանակցություններում

«Երրորդ ամիսն է սկսում, որ մեր առաջարկին որևէ արձագանք չկա. ադրբեջական կողմի կեցվածքը խիստ մտահոգիչ է, որի մասին զրուցում ենք նաև միջազգային գործընկերների հետ: Լավ կլինի Ադրբեջանը շարունակի խաղաղության գործընթացի մեջ իր մասնակցությունը»,- լրագրողների հետ զրույցում ասաց ԱԺ նախագահը: Ալեն Սիմոնյանի խոսքով՝ միգուցե դա կապ ունի Ադրեբեջանի ու ՌԴ-ի միջև սրված իրավիճակով: «Որևիցե իրադարձություն տարածաշրջանում տեղի չի ունենում առանց մեծ խաղացողների միջամտությունների փորձերի ու կարծում եմ՝ Ադրբեջանի ու ՌԴ-ի դաշնակցային հարաբերությունները բավականին մեծ դեր են խաղում ու խաղացել վերջին ժամանակներում»: Ալեն Սիմոնյանը քիչ հավանական է համարում ՌԴ միջնորդությունը հայ-ադրբեջանական խաղաղության շուրջ բանակցություններում: